កញ្ញា ហ៊ិន ច័ន្ទនីរ័ត្ន (Hin Channiroth) ប្តេជ្ញាចូលរួមថែរក្សាមរតករបស់លោកតា Beat Richner និងសូមអំពាវនាវដល់សប្បុរសជននានាចូលជាសមាជិកគាំទ្ររបស់មូលនិធិគន្ធបុប្ផាកម្ពុជា ដោយបរិច្ចាគចាប់ពី 5000៛/ខែ ឬ 60,000៛/ឆ្នាំ ក្នុងស្មារតី “ខ្មែរជួយខ្មែរ” ដើម្បីនិរន្តរភាពរបស់មន្ទីរពេទ្យគន្ធបុប្ផា ក្នុងបេសកកម្មសង្រ្គោះជីវិតកុមារកម្ពុជា។
In the spirit of “Khmer helping Khmer” and to help sustain Kantha Bopha hospitals' core mission to save Cambodian children's lives , Ms. Hin Channiroth is committed to keeping Dr. Beat Richner’s legacy alive and she calls for the donation from all generous people to become the supporting members of the Cambodia Kantha Bopha Foundation.
“មូលនិធិគន្ធបុប្ផាកម្ពុជា” ត្រូវបានបង្កើតឡើងក្រោមទម្រង់ជា “បរធនបាលកិច្ច” ដែលមានសម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន ជាប្រធានកិត្តិយស។ “មូលនិធិគន្ធបុប្ផាកម្ពុជា” ត្រូវបានដាក់ឱ្យដំណើរការជាផ្លូវការ កាលពីថ្ងៃទី ១១ ខែ មេសាឆ្នាំ ២០១៨ដើម្បីកៀរគរនូវអំណោយ ឧបត្ថម្ភធន និងវិភាគទានពីគ្រប់ប្រភពស្របច្បាប់នានាសម្រាប់គោលដៅនៃការធានាចីរភាពនៃកិច្ចដំណើរការរបស់មន្ទីរពេទ្យគន្ធបុប្ផា។ ជាមួយគ្នានេះដែរ ទោះបីជា “មូលនិធិគន្ធបុប្ផាកម្ពុជា” ត្រូវបានបង្កើតឡើងដោយរាជរដ្ឋាភិបាលកម្ពុជាក៏ដោយ ក៏មូលនិធិនេះ មិនជំនួសឱ្យមូលនិធិគន្ធបុប្ផាប្រទេសស្វីស”ដែលបានបង្កើតឡើងដោយលោកសាស្ត្រាចារ្យវេជ្ជបណ្ឌិតBEAT RICHNER នោះឡើយ ពោលគឺមូលនិធិទាំងពីរនេះ នឹងដំណើរការទន្ទឹមគ្នាប្រកបដោយកិច្ចសហការ និងមានភាពស៊ីចង្វាក់គ្នាក្នុងការបើកផ្តល់ការឧបត្ថម្ភចំពោះកិច្ចដំណើរការនៃមន្ទីរពេទ្យគន្ធបុប្ផាទាំងមូល។